PANCHINE
|
|
|
|
E banchine de Bataja E se sento Ma me basta sentarme su una Par esere contento |
E banchine da Bataja E gà e sfese Parchè noe soporta E scorese |
|
|
|
|
E banchine de Bataja Noe sa gniente del mondo Ma e vede che ea zente Gira in tondo |
E banchine de Bataja Soporta e ciacoe Ma e se stufe de quei Che ghe taca e cacoe |
|
|
|
|
E banchine de Bataja E faseva de trachite Parchè e stasse bee drite |
E banchine de Bataja E giasa el cueo Ma e s-ciara el serveo |
|
|
|
|
E banchine de Bataja E pensa ogni jorno "parchè sta zente no se senta invese de girarne in torno". |
E banchine de Bataja E varda eo steso panorama Ma noe se mai stufe Chel sia na casa, na strada o na rama. |
|
|
|
|
E banchine de Bataja Noe te fa pagar gniente E te fa conosare Un saco de zente |
E banchine de Bataja Ga visto i martarei Ora e se contente De veder così tanti putei |
|
|
|
|
E banchine de Bataja E xe de legno Parchè e rughe dea vecchiaia Ghe assa el segno |
E banchine de Bataja E ga el cor contento Parchè e sa chea vita Passa in un momento |
|
|
|
|
E Banchine de Bataja Durante l’inverno More daa voia che riva l’està Parchè e ze stufe d’esser giazà |
E banchine de Bataja Deso e se de fero Na volta e iera de scaja E par farle i ga scavà Un monte intiero |
|
|
|
|
E banchine de Bataja Co vien note e varda el cieo Che sia caldo o seo Co tute chee stee El se sempre beo |
E banchine de Bataja Ze stufe dei tubi de scapamento Che e asfisia ogni momento |
|
|
|
|
E Banchine de Bataja Ghe voe ben aea vespa Parchè da quando i ga Verto el parco coi veci E i putei ze sempre festa |
E banchine de Bataja Adeso che semo in Europa E gà dee pretese Stufe de scoltare el dialeto E voe studiare l’inglese |
|
|
|
|
|
|
|
|
|
|
|
|
|
|
|
|
|
|
|
|
|
